Australian Embassy
Lao People's Democratic Republic
Km 4, Thadeua Road, Watnak (P.O. Box 292)

Laos Australia National Scholarships (LANS) Congratulations Ceremony

Laos Australia National Scholarships (LANS) Congratulations Ceremony
Friday 17 December 2017, National University of Laos
remarks by John Williams, Australian Ambassador to the Lao PDR

  • Asst. Prof. Dr. Houngphet Chanthavong, Vice-President of the National University of Laos
  • Distinguished Guests, Ladies and Gentlemen
  • Our LANS students,

It is my great pleasure, on behalf of the Australian Government, to join you today to congratulate 58 highly capable young men and women who have received scholarships to study at the National University of Laos under the Laos Australia National Scholarships, or LANS program.

Education transforms lives, and creates strong societies.

Study builds connections between people, opens the mind to new opportunities, and helps us all stretch the boundaries of what we can achieve.

And of course, in a country like the Lao PDR, with such a vibrant, young population, education is the path to socio-economic development.

That is why Australia considers it so important to promote education and human resource development in Laos.

And this is why, every year, Australia supports around 70 talented students from remote communities and disadvantaged backgrounds, to study at the National University here in Vientiane, or at Souphanouvong University in Luang Prabang.

Among this year’s group, we have young men and women who will become the Lao PDR’s future scientists, teachers, economists, IT and tourism operators, engineers, architects and business men and women.

We also have 15 students from Years 1 and 2 who have been supported by the Lao Government’s disability quota scheme, and now also by the LANS program.

And among the 21 LANS scholarship students starting at Souphanouvong this year, are three with a visual impairment.

The Australian Government recognises that people with a disability experience significant challenges to gain an education. 

Social, cultural and physical barriers that make it hard to achieve at school, and at university.

So it is great to see the Lao Government working to improve access to tertiary education.

We are proud to be able to provide additional support to these students to help them experience all university has to offer.

University is, of course, about more than study, more than an academic experience alone.

  • It’s about our personal development, learning new social skills, making new friendships, opening up our minds to new horizons and new possibilities.
  • It’s about understanding others, understanding different ways of looking at the world, and developing tolerance, respect and maturity.

So please enjoy your time at university, enjoy this unique experience as much as you can.  Don’t hide away in the library or in your dormitory.

To help you make the most out of your university education, you will also under the LANS program be provided with an Academic Support Program, to teach you English and study and life skills.

Developing your English skills is a great opportunity.  But it requires dedication, as well as immersion and regular contact with or access to spoken English.

Your LANS scholarship is, I hope, just the beginning of your association with Australia.

Please keep in contact with Australia and our Embassy in Vientiane, through our Australia in Laos Facebook page. 

And I understand the LANS program is also starting a LANS Club, a potentially valuable network for all the students and graduates under this program, so you can remain in contact, and can keep learning from each other.

You will soon join around 200 alumni who have graduated with the support of LANS over the past three years.

The Australian Government and Embassy is keen to ensure our investment in you succeeds, and that we can remain in touch as your career develops.

I hope each of you, our scholarship winners, will make your mark and play a role in the Lao PDR’s socio-economic development in the years ahead.

Thank you to the National University of Laos, our partners in this program, and our colleagues from the Laos Australia Institute for all their hard work in managing LANS, and supporting today’s event.

I would also like to pay tribute to the teachers involved in the LANS program, for your continued support and for the vital role you play today in helping these young leaders of tomorrow to expand their horizons, and achieve their full potential.

Most importantly, I would like to express my high appreciation to Asst. Prof. Dr. Houngphet CHANTHAVONG, Vice-President of NUOL, and his management team for the good working relationship you have been giving to us. I hope to continue our good cooperation in the future.

Congratulations again to our 58 scholarship winners.

Enjoy the unique opportunity to study at university.

I wish you every success in your studies and your future careers.

Australia and the Lao PDR are both counting on you..


  • ຮຽນ ທ່ານ ຮອງສາດ​ສະ​ດາ​ຈານ ດຣ ​ຮຸ່ງ​ເພັດ ຈັນ​ທະ​ວົງ, ​ຮອງອະ​ທິ​ການ​ບໍ​ດີ ຂອງ ມະ​ຫາ​ວິ​ທະ​ຍາ​ໄລ​ແຫ່ງ​ຊາດ
  • ບັນ​ດາ​ແຂກ​ຜູ້​ມີ​ກຽດ, ທ່ານ​ຍິງ ​ແລະ ທ່ານ​ຊາຍ
  • ບັນ​ດາ​ນ້ອງ​ນັກ​ສຶກ​ສາ​ LANS ທີ່​ຮັກ​ແພງ

​​ຕາງ​ໜ້າ​ໃຫ້​ລັດ​ຖະ​ບານ​ອົດ​ສະ​ຕ​ຣາ​ລີ, ຂ້າ​ພະ​ເຈົ້າ​ມີ​ຄວາມ​ຍິນ​ດີ​ເປັນ​ຢ່າງ​ຍິ່ງ ທີ່​ໄດ້​ມາຮ່ວມ ພິ​ທີ​ໃນ​ມື້ນີ້ ເພື່ອມອບ​​ທຶນ​ການ​ສຶກ​ສາ ​ແກ່​ນັກ​ສຶກ​ສາຍິງ​ຊາຍ ​ທັງ​ໝົດ 58 ຄົນ ຊຶ່ງ​ຕ່າງກໍ່​ແມ່ນ​ຜູ້​ທີ່​ມີ​ຄວາມ​ຮູ້​ຄວາມ​ສາ​ມາດ ໃຫ້​ເຂົ້າ​ຮຽນ​ຢູ່​ມະ​ຫາ​ວິ​ທະ​ຍາ​ໄລ​ແຫ່ງ​ຊາດ ພາຍ​ໃຕ້​ໂຄງ​ການ​ທຶນ​ການ​ສຶກ​ສາ ລາວ​-ອົດ​ສະ​ຕ​ຣາ​ລີ ສຳ​ລັບ​ຮຽນ​ພາຍ​ໃນ​ປະ​ເທດ, ຫຼື​ທີ່​ເຮົາ​ຮູ້​ກັນ​ໃນ​ນາມ ໂຄງ​ການ LANS.

ການ​ສຶກ​ສາ ປ່ຽນ​ແປງ​ຊີ​ວິດຄົນ ແລະ ສ້າງ​ສັງ​ຄົມ​ໃຫ້​ເຂັ້ມ​ແຂງ.

ການ​ຮ່ຳ​ຮຽນ ສ້າງ​ສາຍ​ພົວ​ພັນ​ລະ​ຫວ່າງ​ຄົນ​ກັບ​ຄົນ. ມັນ​ເປີດ​ແນວ​ຄວາມ​ຄິດ​ສູ່​ໂອ​ກາດ​ໃໝ່ໆ, ແລະ ຊ່ວຍ​ໃຫ້ພວກ​ເຮົາທັງ​ໝົດ​ສາ​ມາດ​ຂະ​ຫຍາຍ​ຂີດ​ຈຳ​ກັດ​ ທີ່ວ່າ​ພວກ​ເຮົາ​ບັນ​ລຸ​ຫຍັງ​ໄດ້​ແນ່​ໃນ​ຊີ​ວິດ.

ແລະ ແນ່ນອນ​ທີ່​ສຸດ, ຢູ່​ໃນ​ປະ​ເທດ​ຄື ສປ​ປ ລາວ ທີ່​ພົນ​ລະ​ເມືອງ​ຍັງ​ໜຸ່ມແໜ້ນ ແລະ ເຕັມ​ໄປ​ດ້ວຍ​ຄວາມ​ມີ​ຊີ​ວິດ​ຊີ​ວາ, ການ​ສຶກ​ສາ ແມ່ນ​ເສັ້ນ​ທາງ​ເພື່ອ​ກ້າວ​ໄປ​ສູ່​ການ​ພັດ​ທະ​ນາ​ທາງ​ດ້ານ​ເສດ​ຖະ​ກິດ-ສັງ​ຄົມ.

ຍ້ອນ​ແນວນີ້ ອົດ​ສະ​ຕ​ຣາ​ລີ​ຈຶ່ງ​ຖື​ວ່າ ມັນ​ມີ​ຄວາມ​ສຳ​ຄັນ​ຢ່າງ​ຍິ່ງ ທີ່​ຕ້ອງ​ສົ່ງ​ເສີມວຽກ​ງານ​ການ​ສຶກ​ສາ ແລະ ການ​ພັດ​ທະ​ນາ​ຊັບ​ພະ​ຍາ​ກອນ​ມະ​ນຸດ​ຢູ່​ປະ​ເທດ​ລາວ.

ແລະ ຍ້ອນ​ເຫດ​ຜົນ​ນີ້​ເອງ ທີ່​ໃນ​ແຕ່​ລະ​ປີ ອົດ​ສະ​ຕ​ຣາ​ລີ ຈຶ່ງ​ສະ​ໜັບ​ສະ​ໜູນ ນັກ​ສຶກ​ສາທີ່​ມີ​ພອນ​ສະ​ຫວັນ ຈຳ​ນວນປະ​ມານ 70 ຄົນ ຊຶ່ງ​ມາ​ຈາ​ກ​ຊຸມ​ຊົນ​ຫ່າງ​ໄກ​ສອກຫຼີກ ແລະ ຈາກ​ຄອບ​ຄົວທຸກ​ຍາກ ໃຫ້​ໄດ້​ເຂົ້າ​ຮຽນ​ຢູ່ມະ​ຫາ​ວິ​ທະ​ຍາ​ໄລ​ແຫ່ງ​ຊາດ ທີ່​ວຽງ​ຈັນ, ແລະ ຢູ່​ມະ​ຫາ​ວິ​ທະ​ຍາ​ໄລ​ສຸ​ພາ​ນຸ​ວົງ​ ທີ່ຫຼວງ​ພະ​ບາງ.

ໃນ​ກຸ່ມ​ນັກ​ສຶກ​ສາ​ທີ່​ໄດ້​ຮັບ​ທຶນ​ປີນີ້ ພວກ​ເຮົາ​ມີ​ຊາຍ​ໜຸ່ມຍິງ​ໜຸ່ມ ຜູ້​ທີ່​ຈະ​ກາຍ​ເປັນ​ນັກ​ວິ​ທະ​ຍາ​ສາດ, ຄູ​ອາ​ຈານ, ນັກ​ເສດ​ຖະ​ສາດ, ຊ່ຽວ​ຊານ​ດ້ານ​ໄອ​ທີ, ຜູ້​ດຳ​ເນີນ​ງານ​ດ້ານ​ການ​ທ່ອງ​ທ່ຽວ, ວິ​ສະ​ວະ​ກອນ, ນັກສະ​ຖາ​ປະ​ນິກ ແລະ ນັກ​ທຸ​ລະ​ກິດ ໃນ​ອະ​ນາ​ຄົດ ຂອງ ສ​ປ​ປ ລາວ.

ນອກ​ຈາກນີ້ ພວກ​ເຮົາ​ຍັງມີ​ນັກ​ສຶກ​ສາ ຈຳ​ນວນ 15 ຄົນ ຢູ່​ປີ 1 ແລະ ປີ 2 ທີ່​ໄດ້​ຮັບ​ການ​ສະ​ໜັບ​ສະ​ໜູນ​ຈາກ​ລັດ​ຖະ​ບານ​ລາວ ຜ່ານ​ລະ​ບົບ​ໂຄ​ຕາ​ຄົນ​ພິ​ການ, ແລະ ປະ​ຈຸ​ບັນ​ນີ້ ພວກ​ເຂົາ​ເຈົ້າ​ໄດ້​ຖືກ​ຮັບ​ເຂົ້າ​ມາ​ຢູ່​ໃນ​ໂຄງ​ການ LANS ຂອງ​ພວກ​ເຮົາ.

ແລະ ໃນ​ຈຳ​ນວນ​ນັກ​ສຶກ​ສາ LANS ທັງ​ໝົດ 21 ຄົນ ທີ່​​ເລີ້ມ​ເຂົ້າ​ຮຽນຢູ່​ມະ​ຫາ​ວິ​ທະ​ຍາ​ໄລ​ສຸ​ພາ​ນຸ​ວົງ​ໃນ​ປີ​ນີ້, 3 ຄົນ ມີ​ຄວາມ​ພິ​ການ​ດ້ານ​ສາຍ​ຕາ.

ລັດ​ຖະ​ບານ​ອົດ​ສະ​ຕ​ຣາ​ລີ ຮູ້​ວ່າ ເພື່ອໃຫ້​ຕົນ​ກາຍ​ເປັນ​ຄົນ​ມີ​ການ​ສຶກ​ສາ ຄົນ​ພິ​ການຕ້ອງປະ​ເຊີນ​ກັບ​ສິ່ງ​ທ້າ​ທາຍ​ຢ່າງຫຼວງຫຼາຍ.

ສິ່ງ​ກີດ​ຂວາງ​ທາງ​​ສັງ​ຄົມ, ວັດ​ທະ​ນະ​ທຳ ແລະ ທາງ​ດ້ານ​ຮ່າງ​ກາຍ​ຂອງ​ພວກ​ເຂົາ​ເຈົ້າ​ເອງ ເຮັດ​ໃຫ້​ເຂົາ​ເຈົ້າ​ພົບ​ຄວາມ​ຫຍຸ້ງ​ຍາກຫຼາຍ​ ກ່ອນ​ທີ່​ຈະ​ປະ​ສົບ​ຄວາມ​ສຳ​ເລັດ​ຢູ່​ໃນ​ໂຮງ​ຮຽນ ແລະ ຢູ່​ມະ​ຫາ​ວິ​ທະ​ຍາ​ໄລ.

ເພາະ​ສະ​ນັ້ນ, ​ຈຶ່ງ​​ໜ້າ​ຍິນ​ດີ​ທີ່​ສຸດ ທີ່​ໄດ້​ເຫັນ​ລັດ​ຖະ​ບານ​ລາວ ​ປັບ​ປຸງ​ເງື່ອນ​ໄຂ​ໃຫ້​ນັກ​ສຶກ​ສາ​ເຫຼົ່າ​ນີ້ ໄດ້​ເຂົ້າ​ຮຽນ​ໃນ​ລະ​ດັບມະ​ຫາ​ວິ​ທະ​ຍາ​ໄລ.

ພວກ​ເຮົາ​​ພູມ​ໃຈ ​ທີ່​ສາ​ມາດ​ໃຫ້​ການ​ຊ່ວຍ​ເຫຼືອ​ເພີ້ມ​ເຕີມ ແກ່​ນັກ​ສຶກ​ສາ​ເຫຼົ່າ​ນີ້ ເພື່ອ​​ໃຫ້​ພວກ​ເຂົາ​ເຈົ້າ ໄດ້​ປະ​ສົບພົບ​ພໍ້​ ໂອ​ກາດ ແລະ ເງື່ອນ​ໄຂ​ຕ່າງໆ ທີ່​ມະ​ຫາ​ວິ​ທະ​ຍາ​ໄລ ມີ​ໃຫ້.

​ແນ່​ນອນ​ວ່າ ມະ​ຫາ​ວິ​ທະ​ຍາ​ໄລ ແມ່ນຫຼາຍກວ່າ ​ບ່ອນ​ສຶກ​ສາ​ຮ່ຳ​ຮຽນ​, ຫຼາຍກວ່າ ​ປະ​ສົບ​ການ​ດ້ານ​​ວິ​ທະ​ຍາ​ສາດ ​ວິ​ທະ​ຍາການ, ມັນ​ຍັງ​ແມ່ນ:

  • ບ່ອນທີ່​ພວກ​ເຮົາ ​ໄດ້​ພັດ​ທະ​ນາ​ຕົວ​ເອງ, ຮຽນ​ຮູ້​ທັກ​ສະ​ໃໝ່ໆກ່ຽວ​ກັບ​ການ​ຢູ່​ໃນ​ສັງ​ຄົມ, ພົບ​ເພື່ອ​ນ​ໃໝ່, ເປີດ​ແນວ​ຄວາມ​ຄິດ​ຂອງ​ເຮົາ​ສູ່​ຂອບ​ຟ້າ​ໃໝ່ ແລະ ສູ່​ກາ​ລະ​ໂອ​ກາດ​ໃໝ່ໆ.
  • ມັນ​ແມ່ນ​ບ່ອນ​ທີ່​ພວກ​ເຮົາ​ ​ຮຽນ​ເຂົ້າ​ໃຈ​ຜູ້​ອື່ນ, ເຂົ້າ​ໃຈ​​ການມອງ​ໂລກ ໃນຫຼາຍມູມມອງ ແລະ ​ພັດ​ທະ​ນາ​ຕົນ​ເອງ​ໃຫ້​ສາ​ມາດ​ໃຫ້​ອະ​ໄພ, ນັບ​ຖື ແລະ ກາຍ​ເປັນ​ຜູ້​ໃຫຍ່.

ເພາະ​ສະ​ນັ້ນ, ຈົ່ງ​ໃຊ້​ເວ​ລາ​ໃນ​ຮົ້ວ​ມະ​ຫາ​ວິ​ທະ​ຍາ​ໄລ​ຂອງ​ພວກ​ນ້ອງໃຫ້​ມີ​ຄວາມ​ສຸກ, ເພີດ​ເພີນ​ໄປ​ກັບ​ປະ​ສົບ​ການ​ທີ່​ເປັນ​ເອ​ກະ​ລັກ​ນີ້​ເທົ່າ​ທີ່​ຕົນ​ຈະ​ເຮັດ​ໄດ້. ຈົ່ງ​ຢ່າ ໄປ​ລີ້​​ຢູ່​ຫໍ​ສະ​ໝຸດ ຫຼື ຫໍ​ພັກ​ຂອງ​ຕົນຢ່າງ​ດຽວ.

ເພື່ອ​ຊ່ວຍ​ໃຫ້​ພວກ​ນ້ອງ​ໄດ້​ຮັບ​ຜົນ​ປະ​ໂຫຍດ​ສູງ​ສຸດ ຈາກ​ການ​ສຶກ​ສາ​ຢູ່​ມະ​ຫາ​ວິ​ທະ​ຍາ​ໄລ​ນີ້, ພາຍ​ໃຕ້​ໂຄງ​ການ LANS ພວກ​ນ້ອງ​ຍັງ​ຈະ​ໄດ້​ເຂົ້າ​ຮ່ວມ ໂຄງ​ການ​ຊ່ວຍ​ເຫຼືອ​ດ້ານ​ການ​ສຶກ​ສາ (ASP) ຊຶ່ງ​ຈະ​ສອນ​ພາ​ສາ​ອັງ​ກິດ, ທັກ​ສະ​ດ້ານການ​ນຳ​ໃຊ້​ຄອມ​ພິວ​ເຕີ ແລະ ການ​ດຳ​ລົງ​ຊີ​ວິດ ເພີ້ມ​ເຕີມ​ໃຫ້​ພວກ​ນ້ອງ.

ການພັດ​ທະ​ນາ​ທັກ​ສະ​ດ້ານພາ​ສາ​ອັງ​ກິດ ແມ່ນ​ໂອ​ກາດ​ທີ່​ດີ​ເລີດ​ອັນ​ໜຶ່ງ. ແຕ່​ມັນ​ກໍ່​ຮຽກ​ຮ້ອງ​ໃຫ້​ຕ້ອງ​ມີການ​ອຸ​ທິດ​ຕົນ ພ້ອມ​ທັງການ​ນຳ​ເອົາ​ຕົນ​ເອງ​ເຂົ້າໄປ​​ຢູ່​ໃນ​ແວດ​ລ້ອມ​ທີ່​ຕ້ອງ​ນຳ​ໃຊ້ ແລະ ປາກ​ເວົ້າ ພາ​ສາ​ອັງ​ກິດ​ຢ່າງ​ເປັນ​ປົກ​ກະ​ຕິ.

ຂ້າ​ພະ​ເຈົ້າ​ຫວັງ​ວ່າ ທຶນ​ການ​ສຶກ​ສາ LANS ຂອງ​ພວກ​ນ້ອງ​ຈະ​ເປັນ​ພຽງ​ການ​ເລີ້ມ​ຕົ້ນ ຂອງ​ສາຍ​ພົວ​ພັນ​ລະ​ຫວ່າງ​ພວກ​ນ້ອງ ກັ​ບ ປະ​ເທດອົດ​ສະ​ຕ​ຣາ​ລີ.

ໃຫ້​​ຕິດ​ຕໍ່ພົວ​ພັນ​ກັບ​ປະ​ເທດ​ອົດ​ສະ​ຕ​ຣາ​ລີ ແລະ ກັບ​ສະ​ຖານ​ທູດ​ຂອງ​ພວກ​ເຮົາ​ຢູ່​ວຽງ​ຈັນ, ຜ່ານ​ ເຟ​ສ​ບຸກ ຂອງ ອົດ​ສະຕ​ຣາ​ລີ ຢູ່​ລາວ.

ຂ້າ​ພະ​ເຈົ້າ​ເຂົ້າ​ໃຈ​ວ່າ ໂຄງ​ການ LANS ພວມ​ສ້າງ​ຕັ້ງ​ LANS Club, ຊຶ່ງ​ຈະ​ເປັນ​ເຄືອ​ຂ່າຍ​ທີ່​ສຳ​ຄັນ​ໃຫ້​ແກ່​ນັກ​ສຶກ​ສາ LANS ​ທັງ​ໝົດ ຮວມ​ທັງ​ຜູ້​ທີ່​ຈົບ​ໄປ​ແລ້ວ, ເພື່ອ​ໃຫ້​ພວກ​ນ້ອງ​ໄດ້​ສືບ​ຕໍ່ ຕິດ​ຕໍ່​ພົວ​ພັນ ແລະ ສືບ​ຕໍ່​ຮຽນ​ຮູ້​ນຳ​ກັນ​ແລະ​ກັນ.

ອີກບໍ່​ດົນ ພວກ​ນ້ອງກໍ່​ຈະ​ກ້າວ​ໄປ​ຢູ່​ລະ​ດັບ​ດຽວ​ ​ກັບບັນ​ດາ​ສິດ​ເກົ່າ 200 ຄົນ ທີ່​ຈົບ​ໄປ​ແລ້ວ ໂດຍ​ໄດ້​ຮັບ​ການ​ສະ​ໜັບ​ສະ​ໜູນ​ຈາກ LANS ໃນ​ໄລ​ຍະ​ເວ​ລາ 3 ປີ ຜ່ານ​ມາ.

ລັດ​ຖະ​ບານ​ ແລະ ສະ​ຖານ​ທູດ ອົດ​ສະ​ຕ​ຣາ​ລີ ຮັບ​ປະ​ກັນ​ວ່າ​ຕົນ​ຈະ​ລົງ​ທຶນ​ໃສ່​ຄວາມ​ສຳ​ເລັດ​ຂອງ​ພວກ​ນ້ອງ, ແລະ ​ພວກ​ເຮົາ​ຈະ​ສືບ​ຕໍ່ ​ຕິດ​ຕໍ່​ພົວ​ພັນ ​ກັບ​ພວກ​ນ້ອງ ​ໃນ​ຂະ​ນະ​ທີ່​ອາ​ຊີບ​ການ​ງານ​ຂອງ​ພວກ​ນ້ອງ ພັດ​ທະ​ນາ​ໄປ​ເລື້ອຍໆ.

ຂ້າ​ພະ​ເຈົ້າ​ຫວັງ​ວ່າ​ພວກ​ນ້ອງ​ແຕ່​ລະ​ຄົນ, ຜູ້​ທີ່​ຖືກ​ຄັດ​ເລືອກ​ໃຫ້​ໄດ້​ຮັບ​ທຶ​ນ​ຂອງ​ພວກ​ເຮົາ, ຈະສ້າງ​ປະ​ຫວັດ​ສາດ​ຂອງ​ຕົນ​ເອງ ແລະ ຫຼິ້ນ​ບົດ​ບາດ​ໃນ​ການພັດ​ທະ​ນາ ເສດ​ຖະ​ກິດ-ສັງ​ຄົມ ຂອງ ສ​ປ​ປ ລາວ ໃນ​ຊຸມ​ປີ​ຕໍ່​ໜ້າ.

ຂໍ​ສະ​ແດງ​ຄວາມຂອບ​ໃຈ ເພື່ອນ​ຮ່ວມ​ງານ​ຢູ່ ມະ​ຫາ​ວິ​ທະ​ຍາ​ໄລ​ແຫ່ງ​ຊາດ, ຊຶ່ງ​ແມ່ນ​ຄູ່​ຮ່ວມ​ມື​ໃນ​ໂຄງ​ການນີ້​ຂອງ​ພວກ​ເຮົາ. ຂອບ​ໃຈເພື່ອນ​ຮ່ວມ​ງານ​ຂອງ​ພວກ​ເຮົາ​ເອງ ຈາກ ສະ​ຖາ​ບັນ ລາວ ອົດ​ສະ​ຕ​ຣາ​ລີ ຕໍ່ການ​ປະ​ກອບ​ສ່ວນ​ເຂົ້າ​ໃນ​ການ​ບໍ​ລິ​ຫານ​ໂຄງ​ການ LANS, ແລະ ຕໍ່​ການ​ກະ​ກຽມ​ພິ​ທີ​ໃນ​ມື້ນີ້.

ນອກ​ຈາກນີ້​ແລ້ວ ຂ້າ​ພະ​ເຈົ້າ​ກໍ່​ຍັງ​ຂໍສະ​ແດງ​ຄວາມນັບ​ຖື​ຊົມ​ເຊີຍ ບັນ​ດາ​ຄູ​ອາ​ຈານ​ທຸກ​ຄົນ​ທີ່​ມີ​ສ່ວນ​ຮ່ວມ​ເຂົ້າ​ໃນ​ໂຄງ​ການ LANS, ທີ່​ໄດ້​​ສືບ​ຕໍ່​ສະ​ໜັບ​ສະ​ໜູນ ແລະ ປະຕິບັດ ບົດ​ບາດ​ອັນ​ຈຳ​ເປັນ​​ ແລະ ຂາດບໍ່​ໄດ້ ໃນ​ມື້ນີ້ ເພື່ອຊ່ວຍ​ເຫຼືອ​ບັນ​ດາ​ຜູ້​ນຳ​ໃນ​​ມື້​ໜ້າ​ ໃຫ້​ເຂົາ​ເຈົ້າ​ໄດ້​ຂະ​ຫຍາຍ​ຂອບ​ຟ້າ​ຂອງ​ຕົນ ແລະ ບັນ​ລຸ​ຄວາມ​ສາ​ມາດ​ບົ່ມ​ຊ້ອນ​ຂ​ອງ​ພວກ​ເຂົາ​ເຈົ້າ​ໄດ້​ຢ່າງ​ເຕັມ​ປ່ຽມ.

ສຳ​ຄັນ​ໄປ​ກວ່າ​ນັ້ນ, ຂ້າ​ພະ​ເຈົ້າຂໍ​ສະ​ແດງ​ຄວາມ​ຂອບ​ໃຈ​ຢ່າງ​ສູງ ມາ​ຍັງ​ທ່ານ ຮອງສາດ​ສະ​ດາ​ຈານ ຮຸ່ງ​ເພັດ ຈັນ​ທະ​ວົງ, ​ຮອງອະ​ທິ​ການ​ບໍ​ດີ ຂອ​ງ ມະ​ຫາ​ວິ​ທະ​ຍາ​ໄລ​ແຫ່ງ​ຊາດ ແລະ ຄະ​ນະ​ຜູ້​ບໍ​ລິ​ຫານຂອງ​ທ່ານ ຕໍ່​ການໃຫ້​ຄວາມ​ຮ່ວມ​ມື​ອັນ​ດີ​ຕະຫຼອດ​ມາ. ຂ້າ​ພະ​ເຈົ້າ​ຫວັງ​ຢ່າງ​ຍິ່ງວ່າ ພວກ​ເຮົາ​ຈະ​ສືບ​ຕໍ່​ໄດ້​ຮັບ​ການ​ຮ່ວມ​ມື​ອັນ​ດີ​ເລີດ​ເຊັ່ນ​ນີ້​ຈາ​ກ​ພວກ​ທ່ານ​ຕະຫຼອດ​ໄປ.

ອີກ​ເທື່ອ​ໜຶ່ງ​ ຂໍ​ສະ​ແດງ​ຄວາມ​ຊົມ​ເຊີຍ ບັນ​ດາ​ນ້ອງ​ນັກ​ສຶກ​ສາ​ທັງ​ 58 ຄົນ ທີ່​ໄດ້​ຮັບ​ທຶນ​ຂອງ​ເຮົາ​ໃນ​ປີນີ້.

ຂໍ​ໃຫ້​ພວກ​ນ້ອງ​ຈົ່ງ​​ໄດ້​ຮັບຄວາມ​ມ່ວນ​ຊື່ນ ຈາກ​ໂອ​ກາດ​ພິ​ເສດໃນ​ການ​ໄດ້​ເຂົ້າ​ສຶກ​ສາ​ຢູ່​ມະ​ຫາ​ວິ​ທະ​ຍາ​ໄລ.

ຂ້າ​ພະ​ເຈົ້າ​ຂໍ​ອ​ວາຍ​ພອນ​ໃຫ້​ພວກ​ນ້ອງ​ຈົ່ງ​ປະ​ສົບ​ຄວາມ​ສຳ​ເລັດ​ ໃນ​ການ​ສຶກ​ສາ​ຮ່ຳ​ຮຽນ ແລະ ​ອາ​ຊີບ​ການ​ງານໃນ​ອະ​ນາ​ຄົດ​ຂອງ​ພວກ​ນ້ອງ.

ອົດ​ສະ​ຕ​ຣາ​ລີ ແລະ ສ​ປ​ປ ລາວ ຕ່າງ​ກໍ່ຝາກ​ຄວາມຫວັງ​ໄວ້​ນຳ​ພວກ​ນ້ອງ.